في غيبتك

""" في غيبتك ""
من غيبتك تاه الدليل احتار ... بان خريفي
ياهل ترى انتَ حبيبي كيفي
قاعد علي ميعادنا
وماتطيق يوم ابعادنا
نا الشوق ديما في غيابك ضيفي
من غيبتك تاه الدليل احتار ... بان خريفي
...........
في غيبتك حتى احكام الكون ...
تغير معالمها
ومع غيبتك حتى رياح العون
غابت نسايمها
والوقت ماهو وقت ..
لاعاد فيه حقيقة
من يوم مافارقت
مارقت فيه دقيقة
كل يوم طيفك فالمنام ايجيني
يبكي حذاي بشوق ويبكيني
باالله ماجا في منامك طيفي
نا الشوق ديما في غيابك ضيفي
............
وين ما ايصير غيابك
كيف عادتك تشغلني
ونعيش بين عذابك
وبي صبر مر قتلني
كيف حال صبرك والغلا في غيابي
ياهل ترى جربت نار عذابي
وجربت مر الصبر كيفك كيفي
نا الشوق ديما في غيابك ظيفي